[نور الهدى]

اشرف الشهر الكريم على النهاية بدأت كل البيوت بالاستعداد لاستقبال عيد الفطر و من عاداتنا بالطبع " عمل الكحك والغريبه والبسكويت "

كل عام وانتم بخير

شيرين الحبيبه
حا انقل لكم هنا بعض النصائح لنجاح الكعك

1- عشان الكعك يكون ناعم لازم نبسه كويس قوى وماء العجن مايكونش كتير
لأن المياة الزائدة هى اللى بتنشفة و فية ناس كتير فاهمة العكس
ان كل ما تحطيله ماء يبقى ناعم وطرى و يستغربوا لما يحطوا ماء و يطلع ناشف.

2- ابقى حطى السمسم ابيض ورشية على وش الدقيق فلما تيجى
تصبى السمن المقدوح قوى حينزل على السمسم يحمصة.

3- لما تخلصى الكحك وتحطية فى الصاجات علشان يخمر
لما تلاقى الكحكة نشفت تعرفى انها خمرت .

4- ماتتقيديش بمقدار الدقيق اللى مكتوب لان نوعه بيختلف
من دقيق للتانى يعنى ممكن ماتستعمليش الكمية المكتوبة كلها
وممكن تحتاجى تضيفى دقيق تانى

5- بنستخدم لكل كيلو دقيق علية كوب ماء او كوب ونص ماء
لحد ماتلاقى العجينة طرية واتلمت فى ايدك .

6- لما تيجى تنقشى الكحك بالمنقاش وانتى بتنقشى ابقى اضغطى على النقش وارفعى
ايدك بالنقشة لفوق علشان السكر البودرة يبقى ثابت جوة النقشة .

7 - و الف هنا وشفا